ЭНЭХҮҮ АЯЛАЛ НЬ МЭРГЭШСЭН ШЕРПА ХӨТӨЧ БОЛОН ОРОН НУТГИЙН УНАА, ТЭЭВРЭЭР АЯЛДАГ АЯЛАЛ БАЙНА.

АЯЛЛЫН МАРШРУТ:

АЯЛЛЫН УНАА:

ӨДӨР:1 УЛААНБААТАР-БЭЭЖИН нислэг

Чингис Хаан ОУНБ-аас 16:30-18:30 Улаанбаатар-Бээжин нислэгтэй.

Бээжин хотод газардан зочид буудалдаа байрлан амарна.

Хоол: Онгоцонд

Зочид буудал: Бээжин хот

ДТ: 80м

ӨДӨР:2 БЭЭЖИН-ЛХАС нислэг

7:45-12:10 Бээжин-Лхас нислэгтэй

Лхаса хотод ирэх

Таши Делек! Төвдийн өөртөө засах орны нийслэл Лхаса хотод тавтай морилно уу.

Та Лхаса Гонгар олон улсын нисэх онгоцны буудалд буухад манай хөтөч уламжлалт цагаан хадаг барин угтаж, зочид буудал руу хүргэж өгнө. Нисэх буудал нь хотын төвөөс ойролцоогоор 60 км зайтай бөгөөд 1–1.5 цаг явна.

Зочид буудалдаа байрласны дараа энэ өдрийг амарч, далайн түвшнээс дээш 3,650 метрийн өндөрт байрлах Лхасын уур амьсгалд биеэ дасгахад зориулна. Төвдийн аяллаа тайван, аюулгүй эхлүүлэхийн тулд эхний өдөр сайн амрах нь чухал.

Хоол: Онгоцонд

Зочид буудал: Лхас хот

ДТ: 3650м

ӨДӨР 3: ПОТАЛА ОРДОН, ЖОХАНГ СҮМ, БАРХОР ГУДАМЖ

Өглөөний цайны дараа манай аялал эхэлнэ.

Потала ордон

Потала ордон нь Төвдийн хамгийн алдартай дурсгалт газар бөгөөд 1649–1959 онд Далай ламын өвлийн ордон байжээ. Далайн түвшнээс дээш 3,700 метрт орших энэхүү сүрлэг ордон нь Лхаса хотыг тольдон харах гайхалтай байршилтай.

Ордны дотор эртний сүм, мөргөлийн танхим, үнэт эдлэлээр чимэглэсэн бунхан, нарийн сийлбэрүүд хадгалагдан үлдсэн байдаг. Мөн Төвдийн буддын шашны гүн сүсэг бишрэлийг мэдрүүлэх мөргөлчдийн дүр зураг нь Потала ордны онцгой уур амьсгалыг бүрдүүлдэг.

Жокханг сүм

Жокханг сүм нь 1,300 гаруй жилийн түүхтэй, Лхаса хотын оюун санааны төвд тооцогддог ариун газар юм. Домогт өгүүлснээр уг сүмийг Төвдийн хаан Сонгцен Гампо өөрийн хоёр хатан болох Хятадын Вэнчен гүнж, Непалын Бхрикути гүнжид зориулан байгуулжээ.

Сүмд Буддын шашны хамгийн эрхэм шүтээнүүдийн нэг болох 12 настай Сакьямуни Буддагийн хөшөө залагдсан байдаг. Тиймээс Жокханг нь Төвдийн хамгийн чухал мөргөлийн газруудын нэг юм. Сүмийн доторх өнгөлөг ханын зураг, уран сийлбэр, уламжлалт архитектур нь Төвдийн соёл, шашны өвийг тод харуулдаг.

Бархор гудамж

Жокханг сүмийн эргэн тойронд байрлах Бархор гудамж нь эртнээс мөргөлчдийн тойрон гороолдог ариун зам байжээ. Өнөөдөр энэ газар хүжний үнэр, мөргөлчдийн уншлага, худалдаа наймаагаар дүүрэн Лхасын хамгийн амьд уур амьсгалтай хэсгийн нэг юм.

Энд та тибет цай ууж, үндэсний хувцастай зураг авахуулж, Төвд, Непал, Энэтхэгийн гар урлал, дурсгалын зүйлс худалдан авах боломжтой.

Хоол: Өглөө, Оройн хоол

Зочид буудал: Лхас хот комфорт зэрэглэл

ДТ: 3650м

ӨДӨР4: Лхаса – Ямдрок нуур – Карола мөсөн гол – Шигацэ

Өнөөдөр Лхаса хотоос Төвдийн хоёр дахь том хот болох Шигацэ рүү аялна. Зам нийтдээ ойролцоогоор 370 км, 7 цаг үргэлжлэх бөгөөд замдаа Төвдийн байгалийн гайхамшигт газрууд болох Ямдрок нуур болон Карола мөсөн гол-оор зочилно.

Өглөө Лхасагаас гарч, 2–3 цагийн дараа Кампала даваа /4,797 м/-нд хүрнэ. Эндээс цаст уулсын дунд номин цэнхэр өнгөөр гялалзах Ямдрок нуурын гайхалтай панорама үзэмжийг харах боломжтой. Ямдрок нь Төвдийн дөрвөн ариун нуурын нэг бөгөөд аялагчдын хамгийн дуртай зураг авах цэгүүдийн нэг юм.

Үдээс хойш цааш явж, далайн түвшнээс дээш 5,012 м өндөрт орших Карола мөсөн гол-д хүрнэ. Энэхүү мөсөн гол нь замын хажууд асгарч буй хөлдсөн хүрхрээ мэт харагддаг бөгөөд Төвдийн хамгийн үзэсгэлэнтэй мөсөн голуудын нэг юм. Энд та машинаасаа үзэмжийг сонирхох эсвэл мөсөн голын бэл хүртэл богино алхалт хийх боломжтой.

Хоол: Өглөөний цай, бусад хоол замд хувийн зардлаар

Зочид бууадл: Шигаце хот, комфорт зэрэглэл

ДТ: 3840м

ӨДӨР:5 Шигацэ – Гяву Ла даваа – Ронгбук хийд – Эверестийн бэйс кемп

Өнөөдөр Шигацэ хотоос дэлхийн хамгийн өндөр уул болох Эверест /Жомолунгма/ чиглэлд аялна. Замын турш Төвдийн өндөрлөгөөс Хималайн сүрлэг уулс руу ойртох тусам байгаль улам гайхамшигтайгаар өөрчлөгдөнө.

Гяву Ла даваа /5,210 м/ нь Эверестийг харах алдартай панорама цэг юм. Цэлмэг өдөр эндээс Эверест, Лхотсе, Макалу, Чо Оюу, Шишапангма зэрэг 8,000 метрээс дээш өндөртэй аварга оргилуудыг нэг дор харах боломжтой.

Дараа нь далайн түвшнээс дээш 5,154 м өндөрт орших Ронгбук хийд-д зочилно. Энэ нь дэлхийн хамгийн өндөрт байрлах хийд бөгөөд Эверестийн хойд нүүрийг хамгийн ойроос харах онцгой байршилтай. Хийдийн цагаан суварга, мани чулуу, нам гүм ариун уур амьсгал нь зураг авахад маш тохиромжтой.

Үргэлжлүүлэн Эверестийн бааз кемп /5,200 м/-д хүрнэ. Энэ бол энгийн аялагчид дэлхийн дээвэрт хамгийн ойр очиж болох цэг юм. Цаст оргил, мөсөн гол, сүрлэг уулсын дунд зогсох энэ мөч нь олон хүний хувьд амьдралдаа нэг удаа мэдрэх мартагдашгүй аяллын оргил хэсэг болдог.

.

Хоол: Өглөө, Оройн хоол: Эверестийн Халуун тогоо

Хоноглох байр: Эверест бэйс кэмпийн майхан өртөө - 2 ортой, нийтийн ариун цэврийн өрөөтэй

ДТ: 5200м

ӨДӨР6: Эверестийн бэйс кемп – Гяцо Ла даваа – Шигацэ

Өглөө Эверестийн бэйс кемпийн цэнгэг агаарт сэрж, Хималайн сүрлэг уулс, Эверестийн гайхамшигт төрхийг тайван мэдрэнэ. Хүсвэл баазын орчимд богино алхалт хийж, уулсын ойрын үзэмжийг сонирхох боломжтой.

Цаг агаар таатай бол өглөө эрт “Алтан оргил” буюу нарны туяанд цаст оргилууд алтан өнгөөр гэрэлтэх ховор үзэмжийг харах боломжтой. Энэ үзэгдэл хавар болон намрын цэлмэг өдрүүдэд хамгийн тод харагддаг.

Дараа нь Шигацэ хот руу буцах замдаа Гяцо Ла даваа /5,248 м/-нд түр саатна. Эндээс Эверест, Чо Оюу, Лхотсе, Макалу зэрэг 8,000 метрээс дээш өндөртэй аварга оргилуудыг панорама байдлаар харах боломжтой. Өнгөлөг мөргөлийн дарцаг хийсэх энэ өндөрлөг нь аяллын хамгийн сайхан зураг авах цэгүүдийн нэг юм.

Орой Шигацэ хотод хүрч, зочид буудалдаа байрлан амарна.

Хоол: Өглөөний цай

Зочид буудал: Шигаце хот, комфорт зэрэглэл

ДТ: 3840м

ӨДӨР7: Ташилхүмбэ хийд – Лхаса

Өглөө Шигацэ хотын оюун санааны төв болсон Ташилхүмбэ хийд-д зочилно. 1447 онд анхны Далай лам Гялва Гэдүн Друп байгуулсан энэхүү хийд нь Төвдийн Цанг бүсийн хамгийн том хийд бөгөөд Гэлүг урсгалын зургаан их хийдийн нэг юм.

Ташилхүмбэ хийд нь Панчин лам нарын уламжлалт суудал гэдгээрээ алдартай. Энд алтан дээвэртэй сүм дуган, өргөн хашаа, мөргөлийн танхимуудыг үзэж, Төвдийн шашин, соёлын сүр жавхланг мэдрэх боломжтой.

Хийдийн онцлох үзмэрт Майдар бурхны том хүрэл хөшөө, Панчин лам нарын ариун суваргууд, мөн ном уншиж буй лам нарын тайван орчин багтана. Хийдийн дээд хэсгээс Шигацэ хотын үзэмжийг тольдон харж болно.

Үүний дараа Ярлунг Цангпо мөрний дагуух үзэсгэлэнт замаар Лхаса хот руу буцна. Зам ойролцоогоор 270 км, 4.5–5 цаг үргэлжилнэ.

Хоол: Өглөөний цай

Зочид буудал: Лхас хот, комфорт зэрэглэл

ДТ: 3650м

ӨДӨР 8: ЧӨЛӨӨТ ӨДӨР, ЛХАС-БЭЭЖИН нислэг

Өглөөний цайны дараа чөлөөт цаг байх бөгөөд 14:00 цагт онгоцны буудал руу хүргүүлнэ

18:40-20:40 Лхас-Бээжин нислэг

Бээжин хотод газардан зочид буудалдаа байрлан амарна

Хоол: Өглөөний цай

Зочид буудал: Бээжин хот

ДТ: 80м

ӨДӨР 9: БЭЭЖИН-УЛААНБААТАР нислэг

08:45-10:50 Бээжин-УБ нислэг

Улаанбаатар хотод газардсанаар бидний дурсамж дүүрэн аялал маань өндөрлөнө

ДТ: 1350м

АЯЛЛЫН ҮНЭД БАГТСАН:

• Улаанбаатар-Бээжин-Лхас 2 талын нислэгийн тийз
• Төвдийн виза
• Хөтөлбөрт багтсан үзвэр үйлчилгээний тасалбарууд: Потала ордон, Жохан сүм
• Хөтөчийн үйлчилгээ
• Лхас-Шигаце-Эверэст бааз-Шигаце-Лхас унаа
• Онгоцны буудлаас тосох хүргэх үйлчилгээ
• Лхас хотын зочид буудал, өглөөний цайтай
• Шигаце хотын зочид буудал, өглөөний цайтай
• Эверэст баазад нэг хонох кэмп, өглөөний цайтай
• 2 оройн хоол
• Хүчилтөрөгчийн баллон, өдөр бүрийн ус
• Аяллын иж бүрэн даатгал

АЯЛЛЫН ҮНЭД БАГТААГҮЙ:

• Хувийн зардлаар өдөр, оройн хоол
• Хөтөч жолоочийн тип